下流上車族丨林敏驄自責累老婆捱苦激動落淚 喊戲一Take過 江美儀：性情中人

《下流上車族》故事貼地細膩動人，昨晚一集車志明（林敏驄飾）同老婆Karen（江美儀飾）鬧交，志明搬去老友細孝（鄧智堅飾）屋企暫住， 順道向「哎吔阿媽」Emma婆婆（鮑起靜飾）獻殷勤，希望可以公屋「加名」，增加成功買樓的機會。志明深夜去到Emma婆婆屋企，發現她正在為自己安裝神主牌，Emma婆婆感慨嘆：「我自己個神位，我唔搞邊個搞呀？我個仔而家連電話都唔聽，個孫仲要跟埋阿媽姓，唔使旨意佢哋幫我安神主牌！」

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

下流上車族︳江美儀母女爭吵戲勁催淚獲讚 幫郭柏妍入戲：佢學得好快【下一頁】

{{hket:inline-image name="gdauytdas.jpg"}}{{/hket:inline-image}}

{{hket:inline-image name="kjsdaurd.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

Emma婆婆意志力最薄弱時，志明乘機嗌佢「阿媽」，仲扮喊話：「我阿媽走嗰陣，我遲遲都唔幫佢安神主牌，我唔肯接受呢個現實，我同個天講如果肯畀番個阿媽我，乜都得！但係事與願違乜都冇發生……我萬念俱灰諗住同阿媽走同一條路……」成功氹掂Emma婆婆，仲招呼他一齊「入住」公屋單位陪伴自己。

志明雖然表面上係呃Emma婆婆，但其實對白都是真心，他上班期間突然錫老婆一啖，兼真情剖白：「多謝老婆，你係我嘅天使！」跟住失控淚崩： 「我同老小三（Emma婆婆）講嘅嘢全部都係真，嗰時阿媽走咗，喺我最Down嘅時候有你出現， 畀咗啲希望我，仲畀埋頭家我……」心疼老公的Karen即錫番志明並作出安慰：「我要多謝你就真，你肯搵我做你老婆。」此時喊到口都震埋的志明再說：「係我累你冇咗層樓，仲要返嚟舊屋做工人……」畫面非常感人。

下流上車族丨江美儀笑斥對手林敏驄鹹濕 「佢對25歲以上嘅女人冇反應」【下一頁】

「車家兩公婆」簡單一場剖白戲大派洋蔥，短短1分半鐘的場口，成功引起網友共鳴，不少網友都大讚林敏驄有意想不到的演技，：「癡線，一秒入戲」、「平時硬硬淨淨，一秒變番細路」、「上一場扮嘢嗌阿媽，下一場喊到口震， 完全兩種戲，真係好勁。」等等。

{{hket:inline-image name="sdad.jpg"}}{{/hket:inline-image}}

驄哥受訪時透露當日一 Take 過完成拍攝：「事前講好晒要點拍，試嗰時係冇喊出嚟嘅，到真係 Roll 機就喊咗出嚟，拍完呢場戲見到啲化妝、服裝同事企晒出嚟，佢哋話感動到喊。 初初拍完呢場以為已經好勁啦，但相比後面嗰啲戲只係小兒科！」美儀姐亦指幕後同事睇到喊，她又指因為這場戲得悉驄哥是性情中人，她謂：「嗰場戲係開工第二日就拍，亦都係佢第一場喊戲，同埋呢場係佢自己話要喊嘅，我都畀佢感動到！」提到該場她錫了驄哥一啖，美儀姐笑言：「劇本冇寫嘅，都係隨住個心同埋感覺做出嚟。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉